قصة رعب حقيقة حصلت لنورهان والقصة هتكون علي لسانها
تقدر تسمعها من هنا:
بتقول المفروض اني كنت ببدأ بداية جديدة وببعد عن كل اللي تعبني الفترة اللي فاتت…
متخيلتش ابدا اني هطلب ارجع وان اللي فيه احسن مليون مرة من اللي شوفته…
دايما كنت بطلب من بابا اننا ناخد بيت في مكان هادي وبعيد يكون له جنينة وازهار وروح خاصة نتبسط بيها…
وجه اليوم اللي بابا استجاب فيه فعلا ونقلنا
البيت جميل جدا يشبه القصور وبيوت الكرتون، في الجنينة شجر وورود اينعم محتاجة اهتمام لكن مكنش الموضوع صعب.. قررنا اننا هنجدد كل الزهور وهنظبط الشجر وكمان هننضف البحيرة الصغيرة …
البيت كان عبارة عن دورين كلهم اوض زوقها جميل، بس اللي لفت انتباهي هي الاوضة اللي في الجنينة
لها شباك ازاز وبتطل ع التفاصيل اللي عجبتني برة
قررت اقنع بابا واجدد دهان الجدران وتبقا الاوضة اللي هذاكر فيها وارسم فيها وامارس فيها هواياتي..
كنت مبسوطة جدا لحد ما جه وقت دهان اخر جدار لقيت عليه اثار ايدين غريبة وكلام مش مفهوم وحاجات مرعبة، قولت يمكن اللي كان هنا قبلي كان مهتم بقصص الرعب وقولت انا مش هفوت ده وصورت فيديوهات مع الجدار وبدات اعمل مقالب ف اصحابي..
في واحدة منهم كانت بتيجي تذاكر معايا ونبات سوا
وفي يوم سمعنا صوت في المية برة خدنا الكشافات وخرجنا ملقيناش حد وفاجئة ظهر جذع شجرة ف المية قولنا اكيد ده سبب الصوت ومشينا
الصبح واحنا رايحين الكلية كان فيه ريحة كريهة جدا دورنا ملقيتاش ليها سبب
بس اما رجعت م الجامعة لقيت بابا بيقولي ازاي منتبهتيش ع القطة الميتة جمب باب الاوضة!!
هنا مفهمتش هي القطة جات منين وامنى وازاي حسيت بالتوتر
وتوتري زاد اكتر لما كنت كل يوم الصبح بلاقي حاجة ميتة في نفس المكان وعليها نفس الاثر اللي كان ع الجدار
لحظة كدة!! هو اللي كان ع الجدار ده حقيقي؟
باليل شوفت بابا واقف عند البحيرة روحت عشان اقف معاه واول ما قربت ملقتوش هو!! ده واحد وشه محروق وعينه مرعبة جدا ومسك ايدي وبدات احس بالحرق ف بدات اصوت ومفوقنش غير وانا ف اوضتي وبابا جمبي…
قالي ده ضغط وقلة نوم ومكنش شاف ان اثر الحرق موجود فعلا ع ايدي وانا خوفت اقوله!!
فاجئة الشخص ده بدا يهاجمني حتى ف احلامي ويقولي مش هسيبك!
كنت بفضل مطبقة وفاتحة كل الانوار واتحول البيت الجميل لسجن
دورت ع النت لقيت حد بيتكلم عن شخص بيفهم في الحاحات دي وساعتها قررت اصورله اثر الحروق في جسمي وابعتهاله
قال ان لازم يجي ويشوف المكان ويعرف مين يعوف الكلام ده غيري
قولتله ان صاحبتي سمعت معايا الصوت بس مشافتوش وبابا حكتله بس مش كل حاجة
فاجئة بدات اقلق عليها وقالي لازم نروح لها حالا
بدات اخبط ع الباب وهي مبتردش لحد ما كسرناه لقيناها والعة وبتصرخ بأنين حاولنا نخلصها م النار ونقلناها المستشفى
في اللحظة دي جريت ع بابا قولتله قابلني في المكان ده انا حيالك كان كل همي انه يسيب البيت
ف الوقت ده خدت الراجل ده ورحنا الاوضة وقعد يقرا حاجات فاجئة انا شوفت شخص بيجري ع الاوضة وبيقفل ع نفسه وناس كتير بتجري وراه حاولوا يفتحوا الباب معرفوش لحد ما كسروه ولقوا الراجل محروق بنفس الشكل اللي شوفته بيه عند البحيرة !
سمعتهم بيقولوا احنا مس هنتسجن ع حاجة معملنهاش احنا هنرميه ف المية وربطوه بجذع شجرة
اللي ظهرلي انا وصاحبتي اول يوم!
فاجئة صحيت وحكيت كل ده للراجل قالي لازم تنزلي تخرجي الراجل ده ندفنه عشان كل ده يخلص لانك لما قعدتي ف الاوضة وقراتي كلامه صحتيه وهيفضل يعذبك ويعذب اللي حواليكي بنفس الطريقة
نزلت تحت المية ولقيته فعلا مربوط بجذع الشجرة، خرجته ودفنناه وعرفت بعدها ان كل الناس كانت بتخاف من البيت ده لحد ما بابا اشتراه
متستهونوش باي علامات تخص الموضوع ده ….
