قصص رعب حقيقية

رسالة من ميت – قصة رعب حصلت بالفعل

رسالة من ميت - قصة رعب حصلت بالفعل

قصة رعب حدثت بالفعل

تقدر تتفرج عليها من هنا:

بدات القصة مع سارة
كانت عايشة مع ابوها وامها واخوها حياة عادية زينا كلنا
لحد ما جه اليوم الموعود
سارة كانت بتحب تسمع عن الجن والاشباح
وكانت بتحب تقرا فيها
بتحكي سارة: انها في يوم بعد ما فطرت جالها رسالة من رقم مجهول مكتوب فيها انا اختارتك عشان تنتقميلي لانك الشخص الوحيد اللي يقدر يعمل كدة
ردت باستغراب: انت مين وانتقام ايه؟
جالها مسدج تانية بتقول مش مهم انا مين بس هحكيلك قصتي
انا شخص ميت من ٤ سنين اتقلت بدون سبب ع ايد شخص والبوليس مفكر اني ميت بحادث فحقي مش هسيبه

اختارتك عشان تساعديني.

في اللحظة دي سارة ضحكت وحكت لصاحبتها ع الرسالة وانها من واحدة صاحبتها بتحاول تخوفها وتعمل فيها مقلب
فاجئة وهي بتقرا الرسالة لصاحبتها جالها رسالة من نفس الرقم بتقول متقريش الرسالة لاي حد
هنا خافت سارة وسكتت وقالت لصاحبتها ان الرسالة اتمسحت وف نفس الوقت عملت بلوك للرقم
تاني يوم سارة نازلة عادي تفطر مع عيلتها وحكت لهم اللي حصل ابوها قالها متخافيش اكيد حد بيحاول يهزر معاكي وراحت المدرسة وهي راجعة جالها رسالة من نفس الرقم
انتي فاكرة ان انتي اما تعمليلي بلوك مش هعرف ابعتلك
استغربت سارة!
وقالت انا عاملة بلوك
وبعتتله انت مين وعاوز ايه
قالها هسالك الاول موافقة تنتقميلي ولالا
سارة لسه مقتنعة انه مقلب فقالتله انت لو حد من صحابي بطل الهزار ده عشات بيضايق
قالها لو مش مصدقاني بصي للعمارة اللي ادامك
بصت لقت شخص بيشاور لها من عمارة مهجورة
ندهت بسرعة لصاحبتها قالتلها تعالي نشوف مين بيشاورلي هناك
لكن قالتلها ان مفيش حد اصلا واقف
هنا سارة بدات تتوتر وتخاف وقعدت تحلف لصاحبتها ان في حد واقف
وبعد كدة قررت تتجاهل كل اللي حصل وتمشي وتبطل ترد ع الرسايل وبعد ٣ ايام جالها رسالة مكتوب فيها بكرة هيكون اول انذار ليكي
بس سارة مفهمتش يقصد ايه
تاني يوم رن تليفون ابوها وظهر ع وشه تعبيرات خوف وعرفت ان اختها ف المستشفى وانها عملت حادثة
في نفس الوقت جالها رسالة بتقولها صدقتيني؟ ده اول انذار
لسه معاكي فرصة اخيرة توافقي ع اللي طلبته

إقرأ أيضا:أغرب هدية – خلتني اعيش جوة قصة رعب حقيقية

انا موافقة

هبعتلك عنوان تروحي عليه هيكون الشخص اللي قتلني موجود هناك
هتروحي الساعة ٤ الفجر وانتي هناك هقولك هتعملي ايه

ليلتها سارة منامتش وفكرت كتير ف الوقت ده جالها رسالة متفكريش ترجعي ف كلامك ومتنسيش تاخدي معاكي بخاخ مخدر وحبل وبنزين، قررت تروح عشان تحمي باقي عيلتها واول ما وصلت هناك جالها رسالة اطلعي ع الشجرة وادخلي م الشباك اول ما دخلت الشباك اتقفل وسمعت اقفال كل الابواب وجالها رسالة اهلا بيكي في مملكتي

 

لسه الشبابيك مقفولة وسارة واقفة مش عارفة تعمل ايه جريت بسرعة تحاول تفتح الشباك بس مقدرتش وفجاه لقت الدنيا كلها ضلمت و
مش قادرة تشوف اي حاجة حتي تلفونها مش بيطلع نور كأنها بقت ف ضلمة مفتعلة
قلبها بداء يدق جامد وحست بالرعب
بعدها سمعت صوت حد بيعيط و حاجة بتقرب منها
وهنا اغمي عليها

بتحكي سارة انها لقيت نفسها في قوضه كلها مرايات ومش شايفه نفسها المرايات بتعكس صور لذكريات قديمة في عقل سارة
فجاة شافت ابوها بيقتل حد في نفس الشقة الي هي فيها

بعدها حست انها صحيت من النوم وده حلم
لقيت نفسها لسه في القوضه الضلمة
وسمعت صوت بيقولها انتي فعلا هتساعديني انتقم من الي قتلني

إقرأ أيضا:عودة ميت مظلوم – قصة رعب حقيقة

انا خليتك شوفتي الي قتلني
بس انا مش هموته انا هاخدك منه

سارة من الخوف مكنتش عارفة تتكلم ولا تقول حاجة
مش عارفة حتي تتحرك لانها مش شايفة اي حاجة

صحيت تاني من النوم

بتحكي انها فضلت تصحي من النوم لدرجة انها مش عارفة هي صاحية ولا نايمة وفين الواقع وفين الحلم

لحد ما صحت لقت نفسها مربوطه بالحبل الي جابته وجمبها جثة حد ميت وجسمة متاكل
قلبها اتقبض وفضلت تصرخ جامد
وبشكل هستيرتي فضلت تقول اقتلني وارحمني
وقتها سمعت صوت بيقولها انا مقدرش اقتلك بس مش هتخرجي من هنا غير غير وانتي ميتة

فاجئة صحيت من النوم تاني في نفس القوضة ولقت البنزين جمبها

فضلت تصرخ وتقول انا معملتلكش حاجة انا مليش ذنب
وقتها اصوات الخبط والازاز الي بيتكسر علي واصوات مرعبة حواليها في كل حتة

بتحكي انها فضلت تعيط بشكل هستيري وتصرخ

وفجاة ظهر شخص بيقرب عليها
بتوصفة بتقول
كان ملامحه تظهر مرعببببببه جدا قرون وعيونه وسعه وحمرا زي جمره النار وملوش شعر وليه ديل اخره سهم و رجله كبيره وطويل وظهره مايل علي قدام وجسمه لونه لون الرمل

ومسكني من ايدي وقالي توافقي تتجوزيني ولا اخدك للعالم بتاعي وساعتها غصب عنك من اللي بتشوفيه هتوفقي تتجوزيني انا ماحستش بنفسي غير وانا بصحي تاني من النوم

إقرأ أيضا:عودة ميت مظلوم – قصة رعب حقيقة

انا فين ؟
قامت لقت نفسها في حمام بيتها جريت تغسل وشها

بتقول ببص في المرايا لقيت الشخص اللي ظهرلي واقف جمبي

بصيت جانبي ملقتش حاجه لكن ظاهر في المرايا
وبصلي بغضب وقالي مهما هتروحي وتلفي عشان حد يخلصك مني مش هتقدري انا منك وانتي مني ولقيت ملامحه بقت ظاهره في ملامحي من الخوف اغم عليا

صحيت لقيت نفسي لسه في المكان الضلمة دا ورجعت اصرخ واقول خرجني من هنا او موتني يا هموت نفسي

فجاة ظهر الشخص دا تاني وقالها انتي بنت حببتي وابوكي قتلني عشانها وانا هتجوزك بدالها بس في العالم بتاعي

فضلت تصرخ وتعيط لحد ما ظهر علية التأثر من العياط وبداء يعيط هو كمان وفجاة صحت من النوم في بيتها ومش عارفة هي لسه جوا البيت ولا كل دا كان حلم وجريت علي اهلها تشوفهم ورجعت تشوف تلفونها عشان تتاكد من الي حصل ولقت الرسايل مش موجودة جريت علي نفس المكان الي رحتة بليل لقيتة بيت مهجور عكس ماشافته بليل بس الشبة الوحيد ان جمبة شجرة بتودي للشباك
رجعت البيت وهي مش متاكدة من كل الي حصل اذا كان بجد ولا كابوس

الحاصد : مؤلف و راوي قصص رعب ، خبير بعالم الجن وانواعهم وطرق محاربتهم

السابق
أغرب هدية – خلتني اعيش جوة قصة رعب حقيقية
التالي
عودة ميت مظلوم – قصة رعب حقيقة